香港新浪網 MySinaBlog
« 上一篇 | 下一篇 »
多啦旺 | 27-11-09 | 旺.隨筆 | (239 Reads)
相信大家經常接到推銷電話,你會如何應付呢?將我今天的經驗跟大家分享分享。

剛忙完採訪,電話就響了︰

電︰先生,你好,我是xx銀行打黎既,我想向先生介紹一個貸款交稅計劃……
旺︰唔駛啦!
電︰點解呀?係咪先生未收到稅單?
旺︰唔係喎,一早收左。
電︰咁點解呀?
旺︰我好多錢交喎。
電︰咁先生可以借d錢去旅行玩下……
旺︰你傻架!為左借錢而特登去旅行,係咪玩完唔駛還錢俾你呀?
電︰唔係……
旺︰咪係囉!仲要俾手續費添架!
電︰咁唔好意思,打擾先生……
旺︰咪住!我未講完……
電︰係,係!
旺︰你究竟知唔知道我既財政狀況架?你銀行唔駛應該先了解客戶需要,先向人推銷架咩?你有無睇《富貴門》架,人地萬基銀行都係咁架啦,做銀行要以客為本嘛,你間銀行都成日係套劇出現,你究竟有無睇?
電︰係既,先生!唔好意思……但我地未獲客人授權係唔可以知道客人財務狀況!
旺︰咁你有無問過我呢個客呀?
電︰無……
旺︰咪係囉!你地都無人問!你地銀行應該了解我既情況,為我度身訂造合適既服務呀嘛…………

(下刪七分鐘……)

旺︰咁你究竟知唔知道我想點?
電︰知道先生。
旺︰講一次我聽。
電︰以後唔好再打電話俾先生,sell貸款計劃……
旺︰錯晒,你完全get唔到我要咩!
電︰呀……
旺︰我係叫你要先了解客戶既需要,再諗一d佢岩用既服務呀!你再仔細諗清楚啦!記住啦!
電︰係!

我用了八分鐘零十秒跟這位服務聊天,或許你平時只會用上八秒就掛斷電話,亦會覺得我很無聊,但我覺得很開心!


[1]

我都不時收到呢D電話~ 但都要睇當時心情同忙不忙~我試過.....

電:先生,我地有個男士瘦身計劃.....
我:我已經瘦到碌竹咁架啦媧~
電:er..其實我地都仲有D男士美容服務架.....
我:我好靚仔架渦~
電:咁你可以將佢地轉贈俾你D朋友丫......
我:(陰沉地)我.無.朋.友.架~

收線~ 功德圓滿~


[引用] | 作者 Ogake | 27-11-09 | [舉報垃圾留言]

我都收過減肥電話,佢問我有無150lbs,我話無,佢就問我有無朋友有需要?我答佢︰「我唔同肥人做朋友架……」佢就收左線~

[引用版主回覆] | 作者 多啦旺 | 30-11-09

[2]

我一路睇你篇文一路狂笑, 比十多「叻」你. 我下次都要反問吓不斷打來煩我的推銷員.


[引用] | 作者 Fion | 28-11-09 | [舉報垃圾留言]

多謝捧場!真的可以一試架!順便減下壓!

[引用版主回覆] | 作者 多啦旺 | 30-11-09

[3] Re: 多啦旺
多啦旺 :
我都收過減肥電話,佢問我有無150lbs,我話無,佢就問我有無朋友有需要?我答佢︰「我唔同肥人做朋友架……」佢就收左線~

你贏!


[引用] | 作者 Ogake | 30-11-09 | [舉報垃圾留言]

[4] Re: Timmy
歡迎~~

多啦旺
[引用] | 作者 多啦旺 | 30-11-09 | [舉報垃圾留言]

[5] ^^

我都被人問過有沒有150磅,
我跟他說:「我只得65磅ja,你地有增肥套餐先再搵我啦~」

深靈
[引用] | 作者 深靈 | 04-12-09 | [舉報垃圾留言]

你這個答案都不錯!

[引用版主回覆] | 作者 多啦旺 | 07-12-09

[6]

「我唔同肥人做朋友架……」
唔怪得我地係好朋友!


[引用] | 作者 | 04-12-09 | [舉報垃圾留言]

[7]

睇完我笑o左出來, 佢講得啱的, 依家大多公司都唔理客人到底要尐乜, 就係咁 sell, 不斷打電話, 其實做多少少功課, 得出來的效果一定會比咁做好好多~~~


[引用] | 作者 悟樂 | 29-06-10 | [舉報垃圾留言]

[8]

下面這個link也可以作為參考
http://blog.tellows.tw/2012/11/tellows%E9%9B%BB%E8%A9%B1%E6%87%89%E7%AD%94%E6%BA%96%E5%89%87-%E5%A6%82%E4%BD%95%E6%87%89%E5%B0%8D%E8%A8%8E%E4%BA%BA%E5%8E%AD%E7%9A%84%E5%BB%A3%E5%91%8A%E6%8E%A8%E9%8A%B7%E9%9B%BB%E8%A9%B1%E5%8F%8A/


[引用] | 作者 La Vie | 14-12-12 | [舉報垃圾留言]